044 291 652Rreth nesh
Verona Laminat u themelua në vitin 2007 nga Shpend Ahmeti si një dyqan i vogël laminati në Gjilan. Sot showroomi ynë shtrihet në 500 metra katrorë, me mbi 400 modele laminati, parketi dhe dyersh të ekspozuara, dhe është një nga adresat më të njohura për dysheme në Kosovë.
Shesim dhe montojmë laminat, parket dhe dyer dhomash në gjithë Kosovën, me fokus në Gjilan dhe Prishtinë. Deri sot kemi montuar dysheme në mbi 5.000 shtëpi anembanë Kosovës.
Ekipi ynë profesional e bën punën me garanci: qëllimi ynë është që dyshemeja të duket bukur në fund dhe blerësi të jetë i kënaqur me të. Nga zgjedhja e modelit në showroom deri te matja, furnizimi dhe montimi, ju shoqërojmë në çdo hap.
- 2007viti i themelimit
- 500 m²showroom në Gjilan
- 400+modele të ekspozuara
- 5.000+shtëpi me dysheme të montuar
Showroomi ynë
Në showroomin tonë në Rruga Nënë Tereza, Gjilan i shihni dhe i prekni të gjitha modelet para se të vendosni. Ejani me masat e hapësirës suaj dhe ju ndihmojmë me zgjedhjen dhe sasinë.
Çfarë ofrojmë
- Laminat 100% gjerman dhe zviceran nga Krono Original, Egger, Kaindl dhe Krono Swiss, në trashësi 8–14mm.
- Parket i gatshëm austriak dhe kroat.
- Dyer dhomash të brendshme, prej druri dhe me xham.
- Shkallë tavani të palosshme.
- Aksesorë: lajsne druri dhe alumini, doreza dyersh, foli laminati.
- Matje, furnizim dhe montim profesional me garanci në gjithë Kosovën.
Pyetje të shpeshta
Cila trashësi laminati është më e mira: 8mm, 10mm apo 12mm?
Sa më i trashë laminati, aq më i fortë dhe më i qëndrueshëm është: 10mm dhe 12mm rekomandohen për hapësira me shumë lëvizje, si korridore, dhoma ndenjeje dhe lokale. Megjithatë, edhe laminati 8mm i brendeve gjermane si Krono Original, Egger dhe Kaindl ka cilësi shumë të lartë dhe është zgjedhje e shkëlqyer për dhoma gjumi dhe banesa. Në showroomin tonë në Gjilan i krahasoni të gjitha trashësitë drejtpërdrejt.
Çfarë është parketi i gatshëm?
Parketi i gatshëm është dysheme prej druri të vërtetë, me shtresë të sipërme prej lisi ose druri tjetër natyral, zakonisht 14mm i trashë. Ne ofrojmë parket të gatshëm special austriak dhe kroat, që jep pamje dhe rehati të papërshkrueshme dhe është përkufizimi i një dyshemeje luksoze. Montohet me sistem "klik" si laminati, por ngjitet edhe me adeziv. Me kalimin e viteve mund të lëmohet dhe të rifreskohet.
Sa kushton laminati?
Çmimi varet nga lloji i laminatit dhe brendi, trashësia (8, 10 ose 12mm), zgjedhja e lajsneve (druri ose alumini), nëse ka ngrohje nëndyshemeje, lloji i montimit që kërkoni, sipërfaqja e hapësirës dhe lokacioni në Kosovë. Prandaj bëjmë ofertë konkrete pas matjes: na dërgoni masat ose fotot në WhatsApp, ose vizitoni showroomin tonë në Gjilan.
A keni laminat vinyl (laminat plastik)?
Po. Përveç laminatit klasik, kemi disa zgjedhje të laminatit vinyl, i cili është rezistent ndaj ujit dhe i përshtatshëm për kuzhina, banjo dhe lokale. Modelet i shihni në showroomin tonë në Gjilan.
Si bëhet montimi dhe sa zgjat?
Së pari llogaritet sipërfaqja e hapësirës, pastaj caktohet data dhe ekipi ynë vjen dhe e bën montimin. Për laminat montimi zgjat zakonisht nga një deri në disa ditë, varësisht nga madhësia e hapësirës dhe lloji i laminatit. Për parket zgjat më gjatë, sepse dërrasat ngjiten me adeziv dhe priten me kujdes. Montojmë në gjithë Kosovën, me fokus në Gjilan dhe Prishtinë.
A mund të marr mostra para se të vendos?
Po. Sipas kërkesës ju dërgojmë mostra të laminatit ose parketit, që t'i shihni në dritën e hapësirës suaj. Ose vizitoni showroomin tonë 500 m² në Gjilan, ku janë të ekspozuara mbi 400 modele.
A montoni edhe jashtë Gjilanit?
Po. Verona Laminat shet dhe monton laminat, parket dhe dyer dhomash në gjithë Kosovën. Baza jonë është showroomi në Gjilan, Kosova, dhe më shpesh punojmë në Gjilan dhe Prishtinë me rrethinë, por vijmë edhe në qytetet e tjera të Kosovës.
Na vizitoni
Orari i punës
E hënë – E shtunë: 08:00–18:00. E diel: mbyllur.